“Рухани жаңғыру” бағдарламасы аясында 2017 жылдың 18 қазан күні “Абылай хан Резиденциясы” мұражай кешенінде Қарттар күніне орай “Қарттарым – асыл қазынам” атты қайырымдылық іс-шара өткізілді. “Біздің қымбаттыларымыз” науқанына байланысты презентация арқылы қарттарға немерелерінен құттықтау сөздер мен тілектер айтылды. Қайырымдылық іс-шара мұражай залдары бойынша жалпы шолу және “Фараб – Отырар өркениеті” атты көрмені тамашалаумен аяқталды. Іс-шараға облыстық және қалалық ардагерлер Кеңесінің мүшелері қатысты.

View the embedded image gallery online at:
http://www.rah.kz/kk/actions-kz.html#sigFreeId08ea7d74be

2017 жылғы 6 қазан “Абылай хан резиденциясы” музей кешенінде “ХХІ ғасыр. Солтүстік Қазақстан облысы” IV облыстық музейлер экскурсия жүргізушілер байқауы өтті.

Байқауда 11 экскурсия жүргізушілер бақтарын сынады. Байқау үш турдан және практикалық шеберлік сағатынан құралды. Байқауға қатысушылар тек нақты тақырыпты біліп қана қоймай, үш тілді де меңгеруі шарт болды.

Байқау қорытындысы бойынша облыстың үздік экскурсия жүргізушілері анықталды:

  • 1 орын – Бейсембина Назгүл, «Абылай хан резиденциясы» музей кешені.
  • 2 орын – Коровина Елена, Сырымбет тарихи-этнографиялық музейі.
  • 3 орын – Бекенова Жансұлу, Солтүстік Қазақстан облысының тарихи-өлкетану музейі.

“Кәсіпке деген адалдық” номинациясы бойынша дипломды СҚМУ музейінің экскурсия жүргізушісі – Амрина Лаура қанжығасына байлады.

Солтүстік Қазақстан облысының мәдениет қызметкерлері ұйымының кәсіподағы атынан грамота Есіл ауданының тарихи-өлкетану музейінің экскурсия жүргізушісі Кутейникова Иннаға табысталды.

Жеңімпаздар бағалы сыйлықтарға ие болды.

View the embedded image gallery online at:
http://www.rah.kz/kk/actions-kz.html#sigFreeId92ebaa1af3

2017 жылғы 5 қазан “Киелі Қазақстан” республикалық экспедициясы көшін бастады. Экспедиция өз жұмысын Солтүстік Қазақстан облысынан бастап, топқа Л.Гумилев атындағы ЕҰУ археология және этнология кафедрасының профессоры Айман Досымбаева жетекшілік етеді. Топ мүшелері “Киелі Қазақстан” республикалық картасына енген облыстың киелі жерлерінің бірі “Абылай хан резиденциясы” музей кешенін тамашалады. Аймақ басшысының атынан экспедицияға қатысушыларды облыс әкімі аппаратының жетекшісі Мадияр Қожахмет қарсы алды. Іс-шара барысында “Солтүстік Қазақстан облысының киелі жерлері” атты дөңгелек үстел өтті

View the embedded image gallery online at:
http://www.rah.kz/kk/actions-kz.html#sigFreeIdf7138e7399

“Рухани жаңғыру” бағдарламасы аясында 2017 жылғы 29 қыркүйек күні мұражай кешенінде “Мұражайға сый” науқаны өтті.

Солтүстік Қазақстан облысы әкімдігінің “Петропавл қаласының машинажасау колледжі” КММ ұжымы “Абылай хан резиденциясы” мұржай кешенінің макетін сыйға тартты. Макет (нұсқа) тарихи ескерткіш үсінінің 1:11 көлемінде жоспарланып, әзірленді. Макетті колледждің 2017 жылғы түлектері Анер Иван және Корнилов Анатолий жасады. Жобаның жетекшілері: колледж директоры Фурманюк Анатолий Павлович, колледж директорының орынбасары Сенькин Павел Владимирович, шығармашылық оқыту ісінің шеберлері Аниченко Анастасия Юрьевна, Овчинников Борис Владимирович.

Мұражай ашылғлы бері 135 сыйлық сыйланды. Мұражай ұжымы науқанға қатысушыларға өз ықыластарын білдірді.

Құрметті жерлестер, егерде сіздерде қазақ халқының тарихына байланысты тұрмыстық заттар, құжаттар немесе суреттер сақталған болса, науқанға қатысуларыңызды сұраймыз!

View the embedded image gallery online at:
http://www.rah.kz/kk/actions-kz.html#sigFreeId4a2cc10531

Отырар мемлекеттік археологиялық қорық-музейінің “Фараб – Отырар өркениеті” атты тақырыптық көрмесі “Абылай хан резиденциясы” мұражай кешенінде 2017 жылғы 19 қыркүйек күнінен 31 қазан аралығында “Абылай хан резиденциясы” мұражай кешенінде өткізіледі.

Көрменің мақсаты “Рухани жаңғыру” бағдарламасы аясында Солтүстік Қазақстан облысының тұрғындарын тарихқа бай, казах өркениетінің алтын шыңы болып табылатын Отырар қаласының тарихымен таныстыру.

Отырар мемлекеттік археологиялық қорық-мұражайының өкілдері, Солтүстік Қазақстан облысы мәдениет және құжаттамалар басқармасының қызметкерлері, СҚМУ мұғалімдері, өлкетанушылар, СҚМУ мен гуманитарлы-техникалық колледж студеттері және жергілікті БАҚ қатысты.

Солтүстікқазақстандықтардың атынан көрменің ашылу салтанатына Солтүстік Қазақстан облысының мәдениет, архивтер және құжаттамалар басқармасының басшысының міндетін атқарушы З.Т.Нұрмұқанова, СҚМУ мұғалімі, тарих ғылымдарының кандидаты А.А.Плешаков, “Асыл мұра” ғылыми орталығының басшысы Т.А.Сүгірбаев сөз сөйледі. Барлық қатысушылар Отырар мұражайының көрмесін ұйымдастырушыларға алғыстарын білдірді.

Отырар мемлекеттік археологиялық мұражай қорығының зерттеу бөлімінің меңгерушісі Е.Т. Шоқай Отырар және оның Қазақстан тарихындағы өзіндік орны туралы, қаланың археологиялық зерттеулері туралы айтты.

Көрмеге IX–XIX ғасырларға жататын 132 жәдігер қойылды. Олардың ішіндегі ең құндылары — керамикалық ыдыс–дастархан, сазды майшамдар, қытайлық фарфор, күміс пен қоладан жасалған ақшалар, зергерлік бұйымдар. Көрмеге Отырарда өңдірген шыныдан жасалған ыдыстардың бөлшектері қойылды. Отырардың тарихы мен ерекшеліктері туралы Отырар археологиялық мұражай қорығының экскурсия жүргізушісі айтып берді.

Құрметті қала тұрғындары мен қонақтары сіздерді “Фараб – Отырар өркениеті” атты көрмеге шақырамыз!

View the embedded image gallery online at:
http://www.rah.kz/kk/actions-kz.html#sigFreeId202325fda1