ЮНЕСКО тізімі мен республикалық маңызы бар тарихи-мәдени объектілерге сенбілік өткізілуде

Осындай «Республикалық киелі жерлер картасына» енгізілген ғимараттардың бірі — «Абылай хан резиденциясы». 2023 жылғы 14 қыркүйек күні Ұлы мемлекеттік қайраткері, дипломат үш жүздің басын құраған – Абылай ханға арналған Ақ үйінің территториясының қақ ортасында орналасқан «Абылай ханның ат үстіндегі» көрнекті ескерткішіне, мемлекеттік деңгейдегі болып табылатын тарих және мәдениет ескерткіштерін қорғау, оларды зерттеу мен насихаттау шараларын ұйымдастырып, бүтін халықтың баға жетпес асыл қазынасы тарихи-мәдени мұраларымызды бүлінуден, зақым келтіруден қорғап, келешек ұрпақты өз елінің мәдениетіне, өткен тарихына жанашырлықпен қарауға, ұлтжанды етіп тәрбиелеу мақсатында тазалық күні өткізілді. Шараға орта буын өкілдеріннен Қазақстан Республикасының Президенті грантының иегері, Журналистер одағы сыйлығының лауреаты, Мәдениет қайраткері, Есіл ауданының құрметті азаматы, «Егемен Қазақстан» газетінің тілшісі, жазушы, «Абылайдың ақ үйі» кітабының авторы Жақсыбай Самрат ағамыз бен «Amanat» партиясының облыстық филиалының басшысы Жеңіс Мұхтарұлы Асанов қатысты.

«Абылай хан резиденциясы» музей кешенінің ашылуына 15 жыл толуына орай «Абылай хан — ерлік дәуірінің ерен тұлғасы» Республикалық ғылыми-практикалық конференция

2023 жылдың 25 тамыз күні С.Мұканов атындағы облыстық әмбебап ғылыми кітапханасында «Абылай хан резиденциясының» ашылуына 15 жыл толуына орай ұйымдастырылған «Абылай хан — ерлік дәуірінің ерен тұлғасы» атты Республикалық ғылыми-тәжірибелік конференция өтті. Конференцияда ғалымдар, тарихшылар, өлкетанушылар, қоғам қайраткерлері баяндама жасады. Олар өз баяндамаларында Абылай хан резиденциясы музейінің Қазақстан азаматтарын тарихи және патриоттық тәрбиелеу ісіндегі маңызды рөлін атап өтті. Оқылған мақалалардан жинақ шығарылды,ол барлық қатысушыларға таратылды.

М. Жұмабаевтың туыстары және зиялы қауым өкілдері музейде

“Абылай хан резиденциясы” музей кешеніне М. Жұмабаевтың 130-жылдығына орай ұйысдастырылған мерекелік іс-шараларға қатысқан ақынның туыстары, шетелдік ғалымдар, қоғам қайраткерлері, жазушылар келді. Құрметті қонақтардың ішінде Қазақстанның еңбек сіңірген қайраткері-заңгері, заң ғылымдарының докторы, профессор — Бекет Тұрғараев та болды және “Ақтабан шұбырынды, Алқакөл сұлама” заманына 300 жыл толуына орай музейімізге “Елім-ай” кітабын сыйға тартты.

«Абылай және оның заманы» атты көрме

29 маусым күні Қызылорда қаласында «Абылай хан резиденциясы» музей кешенінің қызметкерлері «Абылай және оның заманы» атты жылжымалы көрмесін ашты. Көрмеде Омбы, Санкт-Петербург қалаларынан Абылай ханның өмірі, сондай-ақ Абылай сұлтанға арналған үй құрылысы туралы мұрағаттық материалдар ұсынылды.

Көрмеде сол кезеңдегі түпнұсқа экспонаттар, атап айтқанда сауыт, дулыға, қылыш, найза ұштары, берен мылтық ұсынылған.

Көрме «Абылай хан резиденциясы» музей кешенінің ашылуының 15 жылдығына орайластырылған.

Сонымен қатар, біздің музей мен Қызылорда облысының музейі арасында меморандумға қол қойылды.

Құттықтаймыз!

Мәдениет және өнер қызметкерлері күні «Абылай хан резиденциясы» музей кешенінің тарих және экспозиция жасап маманы Күлнәр Жияншенқызы Жұмабекова “Мәдениет саласының үздігі” төсбелгісімен, экскурсиялық көпшілік жұмыстар бөлімінің жетекшісі Назгүл Абайқызы Бейсембина ҚР министрінің “Алғыс хатымен” және музейдің бағдарламашысы Александр Иванович Черниченко облыс әкімінің “Құрмет грамотасымен” салтанатты түрде марапатталды. Әріптестерімізді шын жүректен құттықтаймыз! Әрқашан жетістіктерге жете беріңіздер! Еңбектеріңіз әрдайым бағалана берсін!