2021 жылдың 14 желтоқсан күні ҚР Тәуелсіздігінің 30 жылдығына арналған “Тәуелсіздік – бақыт жолы” атты дөңгелек үстел өтті.

Іс-шараны өткізудің мақсаты мен міндеттері:

  • Еліміздің тәуелсіздігінің қалыптасуын талқылау
  • Мемлекет тарихын зерделеуге және Тәуелсіздіктің маңыздылығы туралы білімді кеңейтуге ынталандыру
  • 30 жыл ішінде ел қол жеткізген нәтижелерді қорытындылау

Спикерлер:

  • Садаев Аян Нәбиұлы –« Абылай хан резиденциясы» музей кешенінің директоры
  • Сартаев Жанбатыр Нұртайұлы – Қазақстан Республикасы Ұлттық ұланы Әскери институтының профессоры, медицина ғылымдарының докторы
  • Жантеміров Амандық Мырзахметұлы – Қазақстан Журналистер одағының мүшесі, ҚР мәдениет қайраткері, Қазақстанның құрметті журналисі, Солтүстік Қазақстан облысының құрметті азаматы
  • Тимошин Владимир Михайлович – тыл еңбеккері, ақын

Сондай-ақ Әскери институттың курсанттары, медициналық колледждің студенттері және Абай атындағы қазақ мектеп-гимназиясының оқушылары қатысты.

2021 жылдың 10 желтоқсаны “Абылай хан резиденциясы” музей кешенінде Қазақстан Республикасы Тәуелсіздігінің 30-жылдығына арналған “Ағаш тамырымен, адам досымен мықты” көрмесінің ашылуы өтті. Келушілерге ағаштан жасалған қазақ халқының ұлттық қолданбалы өнер бұйымдарымен танысуға экскурсия ұйымдастырылды. Сонымен қатар келушілер ағаш өңдеу шебері Болатбек Қалдыров өткізген шеберлік сағатына қатысу мүмкіндігіне ие болды. Көрмені 2021 жылдың 20 желтоқсанына дейін тамашалауға болады.

2021 жылдың 29 қарашасы Көкшетау қаласында Қазақстан Республикасының Тәуелсіздігінің 30-жылдығына арналған музей қызметкерлері арасында "Үздік экскурсовод-2021" республикалық байқауы өткізілді. Байқауға "Абылай хан резиденциясы" музей кешенінің экскурсия жүргізушілері Бейсембина Н.А., Калелова А.К., Набиев А.Ж. қатысты. Әділ-қазылар алқасы біздің қызметкерлеріміздің жоғары кәсіби біліктіліктілігін атап өтті.