2020 жылдың 22 қыркүйегі күні “Абылай хан резиденциясы” музей кешенінің Instagram парақшасының тікелей эфирінде онлайн экскурсия өткізілді. М. Айтқожин атындағы №1 орта мектептің 4-сынып оқушылары сыныпта отырып музейдің төрт залын тамашалап, экспозициямен таныса алды. Сонымен қатар, балалар “SYRLY OIÚLAR” атты кілемдердің жылжымалы көрмесімен танысты.

18 қыркүйек күні “Рухани жаңғыру” бағдарламасын жүзеге асыру мақсатында “Абылай хан резиденциясы” музей кешенінде “SYRLY OIÚLAR” атты кілемдер көрмесі ашылды.

Іс-шараға СҚО мәдениет басқармасы, “Рухани жаңғыру” жобалық кеңсесінің өкілдері, БАҚ, қоғам өкілдері қатысты.

Кілем тоқу – қазақ халқының ежелден келе жатқан кәсіптерінің бірі. Оның тарихы 5 мың жылдай. Кілем тоқу құпиялары ұрпақтан ұрпаққа беріліп, сақталып келді. Кілемдерді негізінен әйел адамдар жасаған.

Қазақ халқының кілемдерін екіге бөлуге болады: түкті және түксіз немесе тақыр. Көрмеге “Өрмек” кілем тоқу жабдығы мен кілемдердің 17 түрі көрсетілген. Сондай-ақ, іс-шарадан соң кілем тоқудан шеберден мастер-класс өткізілді.