2020 жылдың 25 қыркүйегі күні “Абылай хан резиденциясы” музей кешенінде №1 Явленка орта мектебінің оқушыларына экскурсия өткізілді.

Балалар 18 ғасырдағы Қазақ хандығының ең маңызды саяси тұлғасы – Абылай ханның өмірі және қызметімен танысты.

Сондай-ақ, оқушылар назарына “SYRLY OIÚLAR” атты жылжымалы көрме ұсынылды. Музейге келушілер бес мың жылға жуық тарихы бар кілем тоқудың технологияларымен білімдерін кеңейтіп, “өрмек” кілем тоқу құрылғысын өз көздерімен көрді.

“Абылай хан резиденциясы” музей кешенінде Петропавл қаласының Назарбаев Зияткерлік мектебінің 7–8-сынып оқушыларына онлайн экскурсия өткізілді. Instagram парақшасының тікелей эфирінде көрермендер үйлерінен шықпай-ақ, музейдің төрт залын тамашалап, 18 ғасырдың құнды дүниелерімен танысты. Балалар қолжетімді тілмен Қазақстан тарихындағы маңызды мағлұматтарды біле алды.

Сондай-ақ, оқушылар “SYRLY OIÚLAR” атты жылжымалы кілемдер көрмесімен таныса алды.