2017 жылдың 12 желтоқсаны күні “Абылай хан Резиденциясы” мұражай кешенінде Тәуелсіздік күніне арналған “Тәуелсіз елдің ұланымыз” атты мұражай сабақ өткізілді. Мұражай сабаққа филология ғылымдарының кандидаты, профессор, Манаш Қозыбаев атындағы Солтүстік Қазақстан мемлекеттік университетінің оқытушысы, ҚР Еңбек сіңірген қайраткері, ҚР Жоғарғы мектебінің Еңбек сіңірген қайраткері Зарқын Сыздықұлы Тайшыбай, сондай-ақ, қазақ-түрік лицейінің оқушылары мен мұғалімдері қатысты. Іс-шара барысында оқушылар профессордан өздерін қызықтырған сұрақтарға жауаптарын алды. Сабақ соңында балалар мұражай залдары бойынша экскурсияға өтті

Елбасының “Рухани жаңғыру” бағдарламасы аясында “Абылай хан резиденциясы” мұражай кешенінде Жас экскурсия жүргізушілері үйірмесінің қатысушылары арасында “Тарих сырын шерте отыра” байқауы өтті. Үйірмеге қатысушылар 2 жыл ішінде қаламыздың барлық дерлік мұражайларына барып, Петропавл қаласының тарихи-мәдени ескерткіштерімен танысты. Экскурсия жүргізуші маманының қызықты да танымдық жақтарын айқын танып, материалды көрермендерге дұрыс жеткізу техникасын үйренді.

Байқаудың бірінші турында әр қатысушы өзінің “Визит карточкасын” ұсынды. Екінші кезең 2 тапсырмадан құралды: бірінші тапсырма – қазақ халқының әдет-ғұрпын және салт-дәстүрін көрсету. Екінші тапсырма – “Шапшаң”, бұл кезеңде қатысушылар өздерінің зеректіліктерін тосыннан берген тапсырма – қонақтарға Петропавл қаласы бойынша шағын экскурсия жүргізу арқылы көрсетті.

“Тарих сырын шерте отыра...” Жас экскурсия жүргізушісі байқауының жеңімпаздары:
I орын – Әшімова Меруерт С.Шаймерденов атындағы қалалық классикалық гимназиясы
II орын – Наргузина Жанна № 17 ұлттық өркендеу орта мектеп-кешені
III орын – Құрманғалиев Мирас №2 орта мектеп
“Көрермендер көзайымы” – Мұрзахметова Жансая №2 орта мектеп

Мұражай қызметкерлері Қазақстан Республикасының Тәуелсіздік күніне арналған Петропавл құрылыс-экономикалық колледжінің студенттеріне мұражай сабақ өткізді.

Мереке қарсаңында Корнеев гимназиясының, №12, №7 орта мектеп оқушылары мен Солтүстік Қазақстан жанындағы колледжі мен медициналық колледж студенттері “Тәуелсіз елдің ұланымыз” атты мұражай сабаққа қатысты.

8 желтоқсан “Еркем-ай” балабақшасының тәрбиеленушілеріне Қазақстан Республикасының Тәуелсіздік күніне арналған “Тәуелсіз елдің ұланымыз!” атты мұражай сабақ өткізілді.

2017 жылдың 28 қараша күні “Абылай хан Резиденциясы” мұражай кешенінде Тұңғыш Президент күніне орай қазақ-түрік лицейі оқушылары мен “Нұр-бөбек” балабақша тәрбиеленушілеріне “Ел тірегі – Елбасы” атты мұражай сабағы өткізілді. Іс-шараға Тайынша ауданының Краснополянский мектебі, Петропавл қаласының № 7, 9, 2 мектептері, Әл-Фараби мектеп-лицейі, “Лорд” мектеп-лицейі, қазақ-түрік лицейі, Әбу Досмұхамбетов атындағы дарынды балаларға арналған мектеп интернатының оқушылары қатысты.

2017 жылғы 27 қараша күні “Абылай хан резиденциясы” мұражай кешенінде “Рухани жаңғыру” бағдарламасы аясында Қазақстан Республикасының Тұңғыш Президенті күніне арналған “Егемен елдің кемеңгер басшысы” атты дөңгелек үстел өтті. Шараға Солтүстік Қазақстан мемлекеттік университетінің “Қазақстан тарихы және әлеуметтік – гуманитарлық” кафедрасының доценттері, тарих ғылымының кандидаттары, тарихи мұражайының директоры мен студенттері, Әл Фараби лицейінің ұстаздары мен оқушылары қатысты.